Xitoyning Chunsin shahrida yangi jahon rekordi o‘rnatildi: u yerda 11 787 ta dron ishtirok etgan yorug‘lik shousi bo‘lib o‘tdi. Dronlar Yanszi daryosi ustida shahar ramzlaridan biri bo‘lgan kameliya gulini hosil qilishdi. Bundan tashqari dronlar yordamida Chunsinning osmono‘par binolari ham namoyish etildi. Shou ijodkorlari Chunsinni qadimgi davrdan to hozirgi kungacha bo‘lgan barcha ranglarda tasvirlashga harakat qilishgan. Buning uchun anchagina texnik muammolarni hal qilishga to‘g‘ri kelgan.
Sin Xaytsyun, Chunsindagi yorug‘lik shousi texnik direktori:
“Balandlikdagi farqni qoplash kerak edi — buning uchun murakkab hisob-kitoblarni amalga oshirish va parvoz trayektoriyasini to‘g‘rilash kerak edi. Shou ikkala qirg‘oqda ham yaxshi ko‘rinishi uchun daryo bo‘ylab uchadigan dronlar zarur bo‘ldi. Bu boshqaruv signallarining haddan tashqari keng qamrovini talab qildi.”
Aprel oyidan beri Chunsinda 20 dan ortiq dron shoulari o‘tkazildi. Ular anʼanaviy ravishda minglab sayyohlarni jalb qiladi. Ishlab chiquvchilar esa dasturlarni doimiy ravishda takomillashtirib boradi va bu nafaqat jahon rekordlarini o‘rnatish, balki mahalliy mehmondo‘stlik sanoatini yangi bosqichga olib chiqish imkonini beradi.
Izoh (0)