O‘zbekistonda fevral oyida mingdan ziyod egizak tug‘ildi

O‘zbekistonda 2021-yilning fevral oyi holati bo‘yicha, 53 460 nafar chaqaloq tug‘ilgan. Ularning 1166 nafari egizak ekani qayd etilgan. Bu haqda Davlat statistika qo‘mitasi ma’lum qildi.

Qo‘mitaning ma’lumotlariga ko‘ra, eng ko‘p tug‘ilish Samarqand viloyatida (6441 nafar), eng kami Navoiy viloyatida (1359 nafar) qayd etilgan.

2021-yilning fevral oyida qayd etilgan tug‘ilishlar soni:

• Qoraqalpog‘iston — 2449 nafar;
• Andijon — 4978 nafar;
• Buxoro — 2400 nafar;
• Jizzax — 2361 nafar;
• Qashqadaryo — 5599 nafar;
• Navoiy — 1359 nafar;
• Namangan — 4361 nafar;
• Samarqand — 6441 nafar;
• Surxondaryo — 4855 nafar;
• Sirdaryo — 1430 nafar;
• Toshkent — 4604 nafar;
• Farg‘ona — 5786 nafar;
• Xorazm — 2416 nafar;
• Toshkent shahri — 4421 nafar.

Bundan avval O‘zbekistonda bir oilaga o‘rtacha nechta farzand to‘g‘ri kelishi hamda O‘zbekistonning doimiy aholisi soni ma’lum qilingani haqida xabar berilgandi.