Amerikalik aktyor Alek Bolduin 62 yoshida yettinchi marta ota bo‘ldi. Bu haqda uning 37 yoshli rafiqasi Hilariya Instagram sahifasida ma’lum qildi, deb yozmoqda “Korrespondent.net”.
Yangi tug‘ilgan chaqaloqning ismi va jinsi haqida ma’lumot berilmagan. Aktyorning rafiqasi atigi olti oy oldin o‘g‘il tug‘gani sababli chaqaloqni surrogat ona dunyoga keltirgani taxmin qilinmoqda.
Bolduinning rafiqasi oltita farzandi, shu jumladan, yangi tug‘ilgan chaqaloq bilan tushgan suratini sahifasiga joyladi. Alekning sobiq turmush o‘rtog‘i – aktrisa Kim Beysinger bilan turmushidan 24 yoshli qizi ham bor.
Bolduin 2012-yilda yoga bo‘yicha murabbiyi Hilariya Tomas bilan oila qurgan. Juftlikning yetti yoshli qizi Karmen va to‘rt o‘g‘li bor: besh yoshli Rafael, to‘rt yoshli Leonardo, ikki yoshli Romeo va olti oylik Eduardo.
Avvalroq Bollivudning eng mashhur juftliklaridan biri Saif Ali Xon va Karina Kapur ikkinchi marta ota-ona bo‘lgani haqida xabar berilgan edi.
Izoh (0)