Anjelina Joli Bredd Pittning bir necha million dollarlik sovg‘asini sotib yubormoqchi

Anjelina Joli Bredd Pitt bilan ajrashganidan keyin sobiq turmush o‘rtog‘i u uchun xarid qilgan bir necha millionlik sovg‘ani sotib yuborishga qaror qildi.

Bredd Pitt Buyuk Britaniyaning sobiq bosh vaziri Uinston Cherchill tomonidan 1943-yilda chizilgan “Qutubiya masjidi binosi” nomli suratni bundan o‘n yil avval 2,95 millionga xarid qilgan. Aktyor Kventin Tarantinoning “Sharafsiz vahshiylar” filmida suratga tushganidan keyin Cherchillning faoliyatiga qiziqib qolgan.

https://www.instagram.com/p/CIBTKDhl3Ly/?utm_source=ig_embed

Cherchill ushbu suratni Franklin Ruzvelt uchun maxsus chizgan. Prezident suratni o‘g‘li Elliotga bergan, o‘g‘li esa kolleksionerga sotib yuborgan. Keyinchalik ushbu san’at asari Cherchill haqidagi filmda suratga tushgan prodyuser Norman Xikman tomonidan xarid qilingan. Bredd uni Yangi Orleandagi dilerdan sotib olgan.

Joli bir vaqtlar sobiq turmush o‘rtog‘i tomonidan sovg‘a qilingan san’at asarini Christi’s auksioniga sotish uchun qo‘ygan.Page Six’ning yozishicha, ayni vaqtda surat narxi 3,4 millionga baholanmoqda.