Angola, Jibuti va Kongo koronavirusga qarshi Rossiyaning “Sputnik V” vaksinasini ro‘yxatdan o‘tkazdi. Bu haqda Rossiyaning to‘g‘ridan to‘g‘ri investitsiyalar fondi (RTIF) ma’lumotlariga tayanib “RIA Novosti” xabar berdi.
“RTIF Rossiyaning ‘Sputnik V’ vaktsinasi Angola, Jibuti va Kongo Respublikasida ro‘yxatdan o‘tganini ma’lum qiladi. Vaksinaning ro‘yxatga olinishi tezlashtirilgan tartibda amalga oshirildi. Shunday qilib, mazkur vaksinani umumiy aholisi 1,1 milliarddan ortiq bo‘lgan 42 ta davlat ro‘yxatga oldi”, — deyiladi fond ma’lumotida.
“Sputnik V” koronavirusga qarshi davlatlar tomonidan eng ko‘p ma’qullangan vaksinalarning uchtaligiga kiradi.
“Sputnik V” dunyo bo‘yicha hukumat nazorati organlari tomonidan eng ko‘p tasdiqlangan vaksinalar uchtaligiga kiradi.
“Vaksinatsiya pandemiyani yengib o‘tishning asosiy shartlaridan biri hisoblanadi. Angola, Jibuti va Kongoda ‘Sputnik V’ni ro‘yxatdan o‘tkazish ularga dunyo bo‘yicha ishonchli va keng tarqalgan, xavfsiz va samarali dori vositasidan foydalanish imkoniyatini beradi. ‘Sputnik V’ vaksinasini ro‘yxatdan o‘tkazish orqali koronavirusga qarshi dorilarning milliy portfellarini diversifikatsiya qilish xalqaro hamkorlikning muhim namunasi bo‘lib, uning natijasida ko‘pchilikning hayoti saqlab qolinadi”, — dedi RTIF direktori Kirill Dmitriyev.
Ayni paytda “Sputnik V” vaksinasini Rossiya, Belarus, Argentina, Boliviya, Serbiya, Jazoir, Falastin, Venesuela, Paragvay, Turkmaniston, Vengriya, BAA, Eron, Gvineya, Tunis, Armaniston, Meksika, Nikaragua, Serbiya (Bosniya va Gersegoviniyaning birligi), Livan, Myanma, Pokiston, Mo‘g‘uliston, Bahrayn, Chernogoriya, Qozog‘iston, Gabon, San-Marino, Gana, Suriya, Qirg‘iziston, Misr, Gonduras, Gvatemala, Moldova va Slovakiya davlatlari ma’qullagan.
Shuningdek, O‘zbekistonda 17-fevral kuni koronavirusga qarshi “Sputnik V” vaksinasini qo‘llashga ruxsat berilgan edi.
Avvalroq Rossiyada “Sputnik V” vaksinasining narxi ikki baravar pasaytirilgani haqida xabar berilgan edi.
Izoh (0)