Madridning “Real” klubi Chempionlar Ligasining 1/8 finali dastlabki bahsi doirasida “Atalanta” maydoniga safar qiladi.

Foto: Twitter/@realmadrid

Madridliklar bosh murabbiyi Zineddin Zidan ushbu bahsda maydonga tushishi mumkin bo‘lgan futbolchilar ro‘yxatini e’lon qildi. Kengaytirilgan tarkibga asosiy tarkib o‘yinchilaridan Serxio Ramos, Karim Benzema, Dani Karvaxal, Marselo, Eden Azar va Federiko Valverdelar joy olmadi. Ularning barchasi avvalroq jarohat olib safdan chiqqan va ayni damda tiklanish jarayonini boshdan o‘tkazmoqda.

“Atalanta”—“Real Madrid” uchrashuvi Toshkent vaqti bilan 24-fevraldan 25-fevralga o‘tar kechasi 01:00 da boshlanishi rejalashtirilgan.

Qaydnoma quyidagicha shakllangan:

Darvozabonlar: Tibo Kurtua, Andrey Lunin, Diyego Altube.

Himoyachilar: Rafae Varan, Nacho, Ferlan Mendi, Viktor Chust, Migel Gutyerres.

Yarim himoyachilar: Toni Kro0s, Luka Modrich, Kazemiro, Isko, Serxio Arribas, Antonio Blanko.

Hujumchilar: Marko Asensio, Lukas Vaskes, Vinisius Junior, Mariano Dias, Ugo Duro.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!