O‘zbekiston 23 yoshgacha futbolchilar o‘rtasidagi Osiyo Kubogi—2022 musobaqasiga mezbonlik qiladi

O‘zbekiston futbol bo‘yicha yoshlar o‘rtasidagi 2022-yilgi Osiyo Kubogiga mezbonlik qiladi. Bu haqda O‘FA matbuot xizmati ma’lum qildi.

O‘FA 2022-yilgi U-23 Osiyo Kubogi musobaqasini O‘zbekistonda o‘tkazish bo‘yicha OFKga ariza bilan chiqqan edi. Muzokaralar va tahlillardan keyin Osiyo Kubogi mezbonligi O‘zbekistonga berilgan.

Ma’lumot uchun, 23 yoshgacha bo‘lgan futbolchilar o‘rtasidagi Osiyo Kubogi 2013-yildan buyon (2013, 2016, 2018 va 2020-yillar) o‘tkazilib kelinadi. 2018-yili Xitoyda bo‘lib o‘tgan turnirda Ravshan Haydarov qo‘l ostidagi O‘zbekiston yoshlar terma jamoasi g‘oliblikni qo‘lga kiritgandi.