Video: Qo‘l granatasi va avtomat o‘qlariga bardoshli zirhlangan BMW X7

Kanadaning Inkas kompaniyasi ballistik himoyasi BR6 standartiga javob beradigan zirhlangan BMW X7 yo‘ltanlamasi tasvirlangan videoni namoyish etdi. U 7,62 kalibrli avtomatdan otilgan o‘qlarga va ikkita qo‘l granatasining portlashiga bardosh bera oladi, deb yozadi Motor.

Bir qarashda avtomobil standart X7’dan farq qilmaydi, biroq aslida u ko‘p qavatli o‘q o‘tkazmaydigan oynalar bilan jihozlangan, yukxona eshigiga esa to‘rtburchak shakldagi kichikroq kuzatish oynasi o‘rnatilgan. Shuningdek, yoqilg‘i baki, akkumulyator va elektron blok boshqaruvi qo‘shimcha himoyaga ega bo‘lgan.

Yo‘ltanlamas uchqunli mayoqcha bilan jihozlangan, mijozning xohishiga qarab tungi kuzatish tizimini, motor bo‘lmasiga esa tutun tutgich va o‘t o‘chirish tizimini o‘rnatish mumkin.

Tanlov uchun zirhlangan X7’ning bir nechta modifikatsiyasi taklif etiladi: 340 ot kuchiga ega 3,0 litrli turbomotor, 530 ot kuchiga ega 4,4 litrli V8 dvigatel. Agregatlar sakkiz pog‘onali avtomatik uzatmalar qutisi yordamida boshqariladi.

Inkas zirhlangan X7’ning narxini oshkor etmagan bo‘lib, uni har bir mijozning shaxsan o‘ziga ma’lum qiladi.