56 yoshida chin muhabbatini topgan 4 farzandning otasi: “1+1” filmidagi falaj zodagon – Fransua Klyuzening hayoti va ijodi (foto)

Fransua Klyuze yoshi ulg‘ayganidan so‘ng shuhrat qozongan mashhur insonlardan biri. U yillar davomida suratga tushish ishlari bilan band bo‘lgan bo‘lsa-da, ko‘pincha “soyada” qolib ketgan. Uning ijodiy faoliyati salkam yarim asrga tengligiga qaramay, asosan “1+1” biografik filmidagi ijrosi bilan tomoshabinlar yodida qolgan.

Aktyorlik faoliyatining boshlanishi

Fransua 1955-yil 21-sentabrda Fransiyaning poytaxtida dunyoga kelgan. Uning otasi dori vositalari ishlab chiqariladigan kompaniyada ishlagan. 8 yoshligida onasi oilasini tark etib, sevgilisi bilan yashashi bo‘lajak aktyorning yuragida chuqur iz qoldirgan va og‘ir stressni boshdan kechirgan. Ona esa bolalari voyaga yetganida uning bu qarorini tushunishiga umid bildirgan. O‘shandan keyin Fransua onasini haftada bir marta ko‘rar va ta’til vaqtlarida uchrashar edi. Ammo otasi uyda o‘g‘illariga hatto onasi haqida eslashni ham qat’iyan man etgan.

Bularning barchasi Fransua uchun og‘ir ma’naviy zarar keltirgan. Voyaga yetgan bo‘lajak aktyor hatto yordam so‘rab psixologga ham murojaat qilgan. U o‘rta maktabni yakunlagach, litseyga o‘qishga kirgan. Keyinchalik uning hayotida keskin burilish yuz bergan. 18 yoshida Fransua “Lamanchlik odam” teatrlashtirilgan spektaklini ko‘rganidan so‘ng butunlay fikri o‘zgardi. Aktyorlik karyerasi haqidagi xayol uni bir daqiqaga ham tark etmadi. Shundan so‘ng o‘rta maktabni tashlab, aktyorlik kursiga yozilgan.

Ijodiy debyut

Uch yillik kurs tezda yakunlangach, Fransua sahnada rol ijro eta boshladi. U televizion spektakllarga ham, qisqa metrajli filmlarga ham taklif qilingan. 1980-yilda unda katta ekranlarga chiqish imkoniyati mavjud edi va Klyuze buni o‘tkazib yubormadi. Aktyor butun umri davomida uni “Molotov kokteyli” kartinasi uchun tanlovga taklif qilgan qilgan Diana Kyuridan minnatdor.

Debyut muvaffaqiyatli o‘tgach, faoliyatini endigina boshlagan aktyor taniqli fransuz rejissori K. Shabrol tomonidan e’tirof etilgan va uni “Mag‘rurlik oti” filmidagi asosiy rollardan biriga tayinlagan. Ushbu kartinadan so‘ng aktyor va rejissor o‘rtasidagi hamkorlik ko‘p yillar davom etdi. Shu bilan aktyor suratga tushish ishlari bilan band bo‘lgan va “Sezar” mukofoti nomzodiga aylangan.

2000-yillarda aktyor bergan intervyularning birida u hamisha oddiy va e’tiborga loyiq bo‘lmagan obrazlarda namoyon bo‘lganini ma’lum qilgan. Ilgari u qanday qilib rejissorlarga yoqishni bilmas edi, chunki uning qiyofasi Gollivudga mos kelmagan. Ammo yillar o‘tgach, aslida oddiy odamlarni gavdalantirish eng qiyin narsa ekanligini anglab yetgan.

Muvaffaqiyat cho‘qqida

1984-yilda Klyuze barcha fransuz aktyorlari orzu qilgan “Sezar” mukofotiga nomzod bo‘ldi. Oradan besh yil o‘tib, rejissor Bliye aktyorni “Siz uchun juda chiroyli” filmiga taklif qilgan va u yerda mashhur aktyor Jerar Deparde bilan birga ishlagan.

Gollivud loyihalarida ishlash

1994-yil Klyuze birinchi bo‘lib, rejissor R.Oltmenning maxsus taklifiga binoan AQShga kelgan. Millionlab tomoshabinlar mehrini qozongan “Yuqori moda” komediyasida u epizodik rolda ishtirok etgan. Ammo sahnada aktyor haqiqiy Gollivud yulduzlari bilan yonma-yon ishlagan.

Yana bir amerikalik rejissor L.Kesden Fransuaga “Fransuzcha bo‘sa” filmida rol o‘ynashni taklif qilgan. Garchi Bob obrazi ikkinchi darajali bo‘lsa-da, Gollivud loyihasida ishtirok etishning o‘zi katta muvaffaqiyat hisoblanar edi.

“Sezar”

Klyuze ushbu mukofotga bir necha bor nomzod bo‘lgan, ammo G.Kanening “Hech kimga aytma” filmida bosh rolni ijro etganidan keyingina orzu qilgan haykalchaga erishgan. Ushbu quvonchli voqea 2007-yilda sodir bo‘lgan.

“1+1”dagi roli bilan Yevropa kinematografiya akademiyasi tomonidan ham yuqori baholangan va Klyuze ham mukofotga sazovor bo‘lgan. Shuni ta’kidlash kerakki, aynan ushbu film E.Tolenado va O.Nakashni tomonidan suratga olinganidan keyin aktyor fransuz jamoatchiligining taniqli va sevimli yulduziga aylangan.

“1+1” filmi

Dunyo tomonidan e’tiborga olinmagan ikki yolg‘iz odam haqidagi ushbu film kinoshunoslar va tomoshabinlar tomonidan juda yuqori baholangan. Kartina deyarli o‘nlab obro‘li nominatsiyalarda namoyish etilgan va ularning ba’zilarida g‘olib bo‘lgan. Bundan tashqari, “1+1” fransuz kinematografiyasi tarixidagi eng ko‘p daromad olgan kartinaga aylangan. Aktyor esa uch million dollardan ortiq gonorar olgan.

Shaxsiy hayot

Onasi tomonidan tashlab ketilishi Fransuaning ayollar bilan munosabatiga ta’sir o‘tkazgan. Uni aldanib qolish qo‘rquvi butun hayoti davomida ta’qib qilgan. Fransua 40 yildan so‘nggina haqiqiy muhabbatini uchratishga muvaffaq bo‘lgan. Ammo uning ko‘plab merosxo‘rlari bor. 1984-yilda Aktyorning Shantal Perrindan Blansh ismli qizi dunyoga kelgan. U yillar o‘tib, otasining kasbini egalladi.

90-yillarning boshida esa aktyorning aktrisa Mariya Trentinyan bilan munosabatlaridan so‘ng uning o‘g‘li Pol dunyoga kelgan. Bola 10 yoshiga to‘lganda, uning onasi yangi sevgilisi tomonidan shafqatsizlarcha o‘ldirib ketilgan. Shundan so‘ng u o‘z otasi Fransua bilan yashay boshlagan.

Valeriya Bonneton bilan 13 yillik nikohi davomida Jozef va Margarit ismli farzandlari tug‘ilgan. Aktyor 4 farzandini ham yaxshi ko‘radi va ularni e’tibordan chetda qoldirmaydi.

Fransua Klyuze nihoyat butun umr izlagan sevgilisni topishga muvaffaq bo‘ldi. U intervyularning birida ikkita orzusi amalga oshganini aytib o‘tgan: kino yulduziga aylangani hamda sevimli rafiqasi bilan uchrashgani. Fransua va Narsiss 2011-yilda turmush qurgan. Fransua rafiqasini — baxtli qilgan ayol sifatida ta’riflaydi.