2020-yilning yakuniga qadar Xitoyda internetdan foydalanuvchilar soni 989 million kishiga yetdi. Bu haqda Xitoy tarmoq axboroti markaziga tayanib, Sinxua agentligi ma’lumot berdi. Xitoy hududida IP manzillar va domenlarni taqsimlash uchun mas’ul bo‘lgan markazning ta’kidlashicha, koronavirus pandemiyasi davrida internetga ulana olish imkoniyati 5,9 foizga o‘sib, 70,4 foizga yetgan. Bu haqda “Kommersant” xabar berdi.
Tarmoq axborot markazi 2020-yilning oxiriga kelib Xitoyning internet foydalanuvchilari mart oyiga taqqoslaganda 85,4 millionga oshganini ma’lum qildi. Mamlakatning 986 million aholisi yoki internet foydalanuvchilarining 99,7 foizi tarmoqdan mobil telefonlar orqali foydalanadi. Qishloq hududlarida yashovchi internet foydalanuvchilar soni martga nisbatan 54,7 millionga oshib, 309 million kishiga yetdi (umumiy foydalanuvchilarning 31,3 foizi).
Shuningdek, Xitoyda koronavirus tarqalishining dastlabki davrida Alibaba kompaniyasi tomonidan ishlab chiqilgan sog‘liqni saqlash kodlari tizimi ba’zi viloyatlarda joriy qilingan edi. Keyinroq bu tizim butun mamlakat bo‘ylab tarqatildi. Tizim foydalanuvchining harakatlari va aloqalarini kuzatib boradi hamda yashil, sariq yoki qizil kodlarni hosil qiladi. Shunga qarab tashkilot va uning xodimlari tizim foydalanuvchisiga nisbatan cheklov kiritish masalasini aniqlaydi. “RIA Novosti”ning Tarmoq axborot markazi ma’lumotlariga tayanib yozishicha, Xitoyning 900 million aholisi ushbu tizim kodiga ega bo‘ldi.
Izoh (0)