Toshkentda Matiz, Spark, Toyota hamda Nexia to‘qnashuvi oqibatida 5 kishi jabrlandi. Bu haqda poytaxt IIBB matbuot xizmati xabar berdi.

Voqea 21-yanvar kuni soat taxminan 15:40 larda Kichik halqa avtomobil yo‘lida, Ashxobod parki yaqinida sodir bo‘lgan.

Aniqlanishicha, YTH oqibatida Matiz’ning 35 yoshli haydovchisi Diyor T. va 44 yoshli yo‘lovchisi Bahodir M., Toyota’ning 42 yoshli haydovchisi Dildora I., hamda Nexia yo‘lovchilari  — 36 yoshli Alfiya S. va 7 yoshli R.S. badan shikastlari bilan shifoxonaga yotqizilgan.

Tergov oldi tekshiruvi olib borilib, YTH sabablariga aniqlik kiritilmoqda. Dastlabki ma’lumotlarga ko‘ra, Matiz avtomobili yo‘l harakati qoidalarini buzgan holda qarama-qarshi harakat yo‘nalishiga chiqqan.

Avvalroq Toshkentda masofa saqlamaslik oqibatida 5 ta avtomobil to‘qnashgani, Damas hamda “Samara” ishtirokidagi YTH oqibatida 2 kishi vafot etgani haqida xabar berilgandi.