Amerikaning General Motors konserni 57 yil ichida birinchi bor logotipini o‘zgartirdi. Endilikda GM abberviaturasi bosh emas, kichik harflar bilan yoziladi; leybl cheti doirasimon, pastki qismidagi chiziq faqat “m” harfida qolgan — bu elektr “vilka” bilan o‘xshashlik bo‘lishi uchun shunday ishlangan, deb yozadi Motor.
General Motors matbuot xizmati yangi logotip dizayni bo‘yicha yana bir izoh bergan: gorizontal chiziqqa ega “m” harfining shakli Ultium texnologiyasining ramzi hisoblanadi. Amerika giganti aynan Ultium akkumulyatorlari va Ultium Drive dvigatellarini General Motors’ning kelajakdagi elektrokarlarini asosiy nou-xausi deb hisoblaydi.
Mazkur rebrending General Motors mijozlarini elektromobillarga e’tiborini tortish uchun mo‘ljallangan, chunki logotipning o‘zgarishi Everbody In (“Barchasi tarmoqda”) reklama kampaniyasi bilan boshlanmoqda. General Motors’ning asosiy maqsadi — havoga nol miqdorda zararli gazlarni chiqarishdan iborat.
Avtogigantning marketing bo‘yicha direktori Debora Vallning ma’lum qilishicha, “elektomobillarga ommaviy o‘tish vaqti kelgan”.
Ayni vaqtda General Motors gammasida yagona elektorkar mavjud — Chevrolet Bold EV, biroq besh yil davomida avtogigant 30 ta “batareya” avtomobillarini ishlab chiqarish niyatida.
Avvalroq Kia kompaniyasi o‘zining logotipi va shiorini o‘zgartirgani to‘g‘risida xabar berilgandi.