2021-yil ocharchilik yoqasida turgan odamlar sonining keskin oshishi sabab falokatli kelishi mumkin. Bu haqda Jahon savdo tashkilotining ijrochi direktori Devid Bizli BMT Bosh assambleyasining koronavirusga qarshi kurashga bag‘ishlangan sessiyasida ma’lum qildi, deb xabar beradi “TASS”.

Foto: EPA

“Koronavirus sabab ochlikdan vafot etishi mumkin bo‘lgan insonlar soni 135 milliondan 270 million kishiga yetdi. Ayni vaqtdagi vaziyatga ko‘ra, 2021-yil falokatli kelishi mumkin”, — deydi Bizli.

Shu munosbat bilan u dunyo yetakchilarini va xalqaro tashkilotlarni “ocharchilik va migratsiya sabablariga qarshi kurashni moliyalashtirishga ko‘proq ahamiyat berishga chaqirdi”.

Avvalroq BMT aholining ochligi bilan bog‘liq keskin vaziyat hozirda Burkina-Faso, Nigeriya, Janubiy Sudan va Yamanda qayd etilganini ma’lum qilgandi.

Eslatib o‘tamiz, Global Hunger Index’ning 2020-yil uchun xalqaro miqyosdagi ochlik indeksida O‘zbekiston 30-o‘rinni egallagan.