2021 йил очарчилик ёқасида турган одамлар сонининг кескин ошиши сабаб фалокатли келиши мумкин. Бу ҳақда Жаҳон савдо ташкилотининг ижрочи директори Дэвид Бизли БМТ Бош ассамблеясининг коронавирусга қарши курашга бағишланган сессиясида маълум қилди, деб хабар беради «ТАСС».
«Коронавирус сабаб очликдан вафот этиши мумкин бўлган инсонлар сони 135 миллиондан 270 миллион кишига етди. Айни вақтдаги вазиятга кўра, 2021 йил фалокатли келиши мумкин», — дейди Бизли.
Шу муносбат билан у дунё етакчиларини ва халқаро ташкилотларни «очарчилик ва миграция сабабларига қарши курашни молиялаштиришга кўпроқ аҳамият беришга чақирди».
Аввалроқ БМТ аҳолининг очлиги билан боғлиқ кескин вазият ҳозирда Буркина-Фасо, Нигерия, Жанубий Судан ва Яманда қайд этилганини маълум қилганди.
Эслатиб ўтамиз, Global Hunger Index’нинг 2020 йил учун халқаро миқёсдаги очлик индексида Ўзбекистон 30-ўринни эгаллаган.
Изоҳ (0)