Futbol bo‘yicha Fransiya chempionatining 11-turida PSJ 20-noyabr, juma kuni “Monako” maydoniga safar qildi.

Foto: Twitter

Uchrashuvning 25-daqiqasida Kilian Mbappe parijliklarni oldinga olib chiqqan bo‘lsa, 37-daqiqada hujumchi dublini nishonladi. Bunga mezbonlar ikkinchi bo‘limda uchta gol bilan javob qaytarishga erishdi.

Kevin Folland dubl qayd etgan bo‘lsa, 84-daqiqada Sesk Fabregas penaltini aniq amalga oshirgan holda jamoasining g‘alabasini ta’minladi.

Ushbu g‘alabadan keyin “Monako” ochkolarini 20 taga yetkazib oldi va 2-o‘ringa ko‘tarildi. PSJ (24) esa hamon peshqadamlikni saqlab turibdi.

Liga 1

11-tur bahslari

20-noyabr, juma

“Monako” — PSJ 3:2

Gollar: 0:1 – 25 Mbappe, 0:2 – 37, penalti Mbappe, 1:2 – 52 Folland, 2:2 – 65 Folland, 3:2 – 84, penalti Fabregas.

“Monako”: Mannone, Badiashile, Matsima, Ballo-Ture (Kayo Enrike, 46), Disasi, Diop (Yovetich, 90), Fofana, Jelson Martinsh (Matazo, 90), Tchuameni (Florentinu, 90), Jebbel (Fabregas, 46), Folland.

PSJ: Navas, Dagba, Diallo, Kimpembe, Kurzava (Bakker, 68), Danilu Pereyra (Paredes, 68), Sarabiya, Di Mariya (Neymar, 60), Rafinya (Florensi, 85), Kin, Mbappe (Ruis-Atil, 68).

Ogohlantirishlar: Danilu Pereyra (20), Fofana (35), Ruis-Atil (80), Fabregas (87), Kimpembe (88).

Chetlatish: Diallo (83).

“Renn” — “Bordo” 0:1

Gol: 0:1 – 37 Ben-Arfa.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!