Farmatsevtika tarmog‘ini rivojlantirish agentligi huzuridagi Dori vositalari, tibbiy buyumlar va tibbiy texnika ekspertizasi va standartlashtirish davlat markazi direktori tayinlandi, deb xabar bermoqda SSV matbuot xizmati.

Foto: SSV matbuot xizmati

Ushbu lavozimni agentlikning Fan va ta’limni rivojlantirish boshqarmasi boshlig‘i lavozimida ishlab kelgan Aziz Do‘smatov egalladi.

Aziz Do‘smatov 1962-yil 3-sentabrda Toshkentda tug‘ilgan.

U 1984-yilda Toshkent Farmatsevtika institutini tamomlagan. 1991-yilda kimyo fanlari nomzodi, 2008-yilda esa farmatsevtika fanlari doktori ilmiy darajasiga erishgan.

Dori vositalari, tibbiy buyumlar va tibbiy texnika ekspertizasi va standartlashtirish davlat markazining avvalgi direktori Sherzod Abdug‘aniyev Dori vositalarini standartlash ilmiy markazi direktori etib tayinlandi.

Foto: Uzpharmagency

Avvalroq DXX mas’ul xodimi Bosh prokuratura Kadrlar boshqarmasi boshlig‘i etib tayinlangani, Mirzaobod tumaniga yangi hokim tayinlangani, Bojxona tizimidagi bir qator hududiy boshqarmalarda rahbarlar o‘zgargani xabar berilgan edi.