Sirdaryo tumani “Yoshlik” mahallasida joylashgan 3 ta vaqtinchalik qurilgan xonada sodir bo‘lgan yong‘in oqibatida ikki kishi halok bo‘ldi. Bu haqda viloyati FVB axborot xizmati xabar berdi.
Ma’lumotlarga ko‘ra, 20-noyabr soat 03:06 da tuman FVB navbatchi-dispetcherlik xizmatiga yong‘in to‘g‘risida xabar kelib tushgan. Yong‘in joyiga ekipajlar soat 03:18 da yetib borib, 03:21 daqiqa o‘tganda qurshab olingan va 03:55 daqiqa o‘tganda bartaraf etilgan.
Yong‘in oqibaitda uy ichida bo‘lgan, uy egasi 1974-yilda tug‘ilgan M.I. va uning o‘g‘li 2001-yilda tug‘ilgan M.Q.larning kuygan holdagi jasadlari topilgan. Shuningdek, xonadonda bo‘lgan uy egasining 16 yoshli o‘g‘li va 14 yoshli jiyani kuyish tan jarohati olgan.
Hozirda yong‘inning kelib chiqish sababi va zarari aniqlanmoqda. Holat bo‘yicha tuman prokuraturasi va tuman IIB tomonidan tergovga qadar tekshiruv harakatlari olib borilmoqda.
Avvalroq Zangiotada yonma-yon joylashgan uchta uyda yong‘in chiqqani to‘g‘risida xabar berilgandi.
Mavzuga doir: O‘zbekistonda yong‘in xavfsizligi qoidalari tasdiqlandi
Izoh (0)