Samsung kompaniyasi chindan ham displeyi cho‘ziladigan smartfonni taqdim etishga tayyorlanmoqda. Smartfon namunasini Samsung vitse-prezidenti Li Je Yon namoyish etdi, deb xabar beradi IXBT.
12-noyabr kuni Li Je Yon kompaniyaning Seuldagi ilmiy-tadqiqot markaziga tashrif buyurgan va u yerda rahbariyat bilan strategik uchrashuv o‘tkazgan. Bu Li Je Yonning otasi va Samsung’ning afsonaviy rahbari Li Gon Xining vafotidan so‘ng amalga oshirgan birinchi tashrifi hisoblanadi. Li Gon Xi 2020-yilning 25-yanvarida vafot etgandi.
Suratlardan biri Samsung matbuot xizmati tomonidan rasman taqdim etilgan. Suratda Li Je Yon qo‘lida noma’lum qurilma tutgan holda markaz xodimlari bilan gaplashayotgani tasvirlangan. Samsung bu kabi qurilmasini oldin hech qayerda namoyish etmagani sabab, u jamoachilik e’tiboriga tushgan.
Smartfon Samsung’ning Galaxy Z Fold va Galaxy Z Flip kabi egiluvchan smartfonlaridan ingichkaroq ko‘rinadi. Taxminlarga ko‘ra, qurilma o‘z o‘lchamni planshet o‘lchamiga qadar “cho‘za oladigan” va buklanib, ixcham shaklga keluvchi ekranga ega smartfonning prototipi hisoblanadi.
Samsung shu turdagi ixtironi 2019-yilda patentlagan edi. Shuningdek, CES 2020’da kompaniya bu kabi smartfonning yopiq taqdimotini o‘tkazgan. Dastlabki ma’lumotlarga ko‘ra, qurilma 6 dyuymli smartfondan 8 dyuymli planshetga aylana oladi.
Avvalroq Samsung o‘zining eng qimmat smartfonini Galaxy brendi nomisiz taqdim etgani to‘g‘risida xabar berilgandi.
Izoh (0)