Bugun,

  • USD 11014.01
  • RUB 191.8
  • EUR 10674.78

BAAning “Shabob al-Ahli” klubi va O‘zbekiston terma jamoasi yarim himoyachisi Aziz G‘aniyev klubidagi faoliyati va terma jamoaning Iroqqa qarshi kechadigan uchrashuvi haqida fikr bildirdi.

Foto: O‘FA

Foto: O‘FA
Boshida “Shabob al-Ahli”ga, murabbiylarga moslashish kerak bo‘ldi. Undan keyin o‘zimning yaxshi o‘yinlarimni ko‘rsatishga harakat qildim. Asta-sekin murabbiylar ishonchini qozondim va asosiy tarkibdan joy oldim. Shukurki, hozirda asosiy tarkibda harakat qilyapman, chempionatlar ham boshlandi, endi bundan keyin faqat o‘yinlar bo‘ladi.

Jarima zarbalari? O‘yindan avval jarima zarbalari tepish borasida mashg‘ulot bo‘ladi. 2-3 futbolchi kelib jarimalarni tepadi. Menda ko‘proq o‘xshagani uchun murabbiy meni jarima zarbalarining asosiy ijrochisiga aylantirdi. Shundan buyon standart vaziyatlarni men ijro etyapman.

Iroq terma jamoasi ham kuchli raqib. Ularning o‘yinlarini ko‘rib, kuchli va kuchsiz tomonlarini o‘rgandik. Ular uchun ham qiyin o‘yin bo‘ladi. Ularga qarshi o‘yin uchun tayyorgarlikni boshladik. Nasib qilsa, chiroyli o‘yin ko‘rsatib muxlislarni xursand qilishga harakat qilamiz.

Aziz G‘aniyev, “Shabob al-Ahli” futbolchisi

O‘zbekiston terma jamoasi 17-noyabr kuni BAAda Iroq terma jamoasiga qarshi o‘rtoqlik uchrashuvi o‘tkazadi.

Eslatib o‘tamiz, 12-noyabr kuni O‘zbekiston terma jamoasi Suriyaga qarshi bahs olib bordi va 0:1 hisobida mag‘lubiyatga uchradi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi
Sport
A Seriya. “Roma” Eldor Shomurodov maydonga tushmagan o‘yinda “Inter”ni mag‘lub etdi
Dunyo
Nikaragua hukumati Niderlandiya bilan diplomatik munosabatlarni uzdi