Bugun,

  • USD 11095.31
  • RUB 173.84
  • EUR 10772.44

AQSh Davlat departamenti 12-noyabr kuni Xitoy hukumatining Gonkong parlamentidagi to‘rt nafar muxolifat deputatini chetlatish to‘g‘risidagi qarorini qoraladi. Bir kun oldin Oq uy Xitoyga yangi sanksiyalar bilan tahdid qilgan. Gonkong muxolifati Pekinning xatti-harakatlari “bitta mamlakat, ikkita tizim” konsepsiyasiga chek qo‘yadi, deb hisoblaydi. Bu haqda Meduza xabar berdi.

Gonkong rahbariyati tomonidan chetlatilgan muxolifat deputatlari

Gonkong rahbariyati tomonidan chetlatilgan muxolifat deputatlari
Foto: Reuters

Butunxitoy xalq kongressi 11-noyabr kuni Gonkong deputatlarini “vatanparvarlik qarashlariga” rioya qilishga majburlovchi rezolyutsiya qabul qildi. Deputatlar sodiqlik qasamyodini buzmasliklari, Xitoyning Gonkong ustidan suverenitetiga qarshi chiqishlari yoki yaqinda qabul qilingan milliy xavfsizlik haqidagi qonunlarini tanqid qilishlari kerak emas. Aks holda, ijro etuvchi hokimiyat sudga murojaat qilmasdan darhol ularni mandatlaridan mahrum qilishga haqlidir.

Qaror qabul qilingandan so‘ng Gonkong rahbari Kerri Lam darhol muxolifat demokratik blokining to‘rt nafar deputatni chetlatdi. 2020-yilning yozida ular “vatanparvarlik yetishmasligi”da ayblangan va shu sababli ular sentabr oyida bo‘lib o‘tishi kerak bo‘lgan saylovga nomzod sifatida ro‘yxatga olinmagan. Koronavirus tufayli ovoz berish bir yilga qoldirildi, shu sababli ular o‘z mandatlarini saqlab qolgandi.

12-noyabr kuni qolgan 15 nafar muxolifat deputati (Gonkong parlamentida jami 70 ta o‘rin mavjud) o‘z noroziligini bildirgan holda iste’foga chiqishini e’lon qildi. Shunday qilib, Gonkong o‘z tarixida birinchi marta demokratik partiyalar vakilisiz qoldi.

South China Morning Post gazetasining ta’kidlashicha, shahar parlamentida vakolatisiz qolgan demokratik muxolifat okrug qonun chiqaruvchi organlaridagi ishlarga e’tibor qaratadi: 2019-yilgi saylovda Xitoyga topshirish to‘g‘risidagi qonun loyihasiga qarshi keng miqyosli norozilik namoyishlari fonida demokratlar jami 452 ta o‘rindan 392 tasini qo‘lga kiritgan. Okrug deputatlari ish boshlaganida Xitoyga sodiqlik qasamyodini ichmaydi, shuning uchun ularni yangi qonunga binoan olib lavozimdan chetlatish mumkin emas.

Buyuk Britaniya Tashqi ishlar vazirligi Pekinni Gonkong Xitoyga topshirilganda imzolangan Xitoy—Britaniya qo‘shma deklaratsiyasini buzganlikda aybladi. Tashqi ishlar vaziri Dominik Raab Pekinga sanksiyalar bilan tahdid qildi hamda Buyuk Britaniya xalqaro sheriklar bilan birgalikda Xitoyning Gonkong avtonomiyasini saqlab qolish bo‘yicha o‘z majburiyatlarini bajarishiga erishishini ta’kidladi. Xitoyning Buyuk Britaniyadagi elchisi Tashqi ishlar vazirligiga chaqirildi.

Izoh
Asosiy yangiliklar
Mahalliy
Xitoy Farg‘onada biochiqindilardan energiya olish bo‘yicha loyihani amalga oshirishi mumkin
Mahalliy
Qashqadaryoda tuman hokimi ro‘zadorlarni suv ichishga majburlagani aytilmoqda 
Mahalliy
“O‘zgidromet” kelayotgan hafta boshida qanday ob-havo bo‘lishini ma’lum qildi