Futbol bo‘yicha Coca-Cola Superliga 22-turida “Nasaf” va “Qo‘qon-1912” jamoalari 31-oktabr, shanba kuni o‘zaro bahs yuritdi.
Uchrashuv teng kurashlar ostida boshlandi. 28-daqiqada qo‘qonliklar oldinga o‘tib olishi mumkin edi, biroq Murod Xolmuhammedov faoliyatida ilk bor penaltini aniq amalga oshira olmadi.
Ikkinchi bo‘lim debyutida mezbonlar hujumchisi Bobur Abduxoliqov hisobni ochdi. Mazkur gol amalda o‘yin taqdirini hal qilib berdi.
Ushbu g‘alabadan keyin Ro‘ziqul Berdiyev shogirdlarining ochkolari 46 taga yetdi va jamoa 2-o‘rinda bormoqda. “Qo‘qon-1912” (38) esa 4-pog‘onada qoldi.
“Nasaf” keyingi turda “So‘g‘diyona” bilan o‘ynaydi, qo‘qonliklar esa “Paxtakor” bilan kuch sinashadi.
Coca-Cola Superliga
22-tur bahslari
31-oktabr, shanba
“Nasaf” — “Qo‘qon-1912” 1:0
Gol: 1:0 – 28 Abduxoliqov.“Nasaf”: 35. Abduvohid Ne’matov, 4. Husniddin Aliqulov, 8. Dilshod Saitov (15. Jo‘rabek Mannonov, 12), 10. Bobir Abdiholiqov, 14. Sharof Muhitdinov, 20. Islom Kenjaboyev (19. Husain Norchayev, 87), 22. Akmal Mozgovoy, 34. Sherzod Nasrullayev (7. Dilshod Rahmatullayev, 75), 77. Oybek Bozorov, 88. Marko Stanoyevich (5.G‘olib G‘aybullayev, 87), 92. Umar Eshmurodov.
“Qo‘qon-1912”: 21.Muzaffar Abdullayev, 3.Bobur Akbarov, 10.Quvondiq Ro‘ziyev (19.Hamidullo Abduhamidov, 66), 13.Sardor Azimov (91.Yakuba Bamba, 73), 14.Avaz Mamatxo‘jayev (17.Muzaffar Muzaffarov, 73), 15.Oybek Rustamov, 22.Muhammadanas Hasanov, 23.Aleksandr Merzlyakov (99.Bek Abdullayev, 83), 33.Ivan Yosovich, 69.Filip Rayevats, 70.Murod Xolmuhammedov.
Ogohlantirishlar: Mamatxo‘jayev 55, Yosovich 56, G‘aybullayev 90+5, Muzaffarov 90+5.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)