Forbes jurnali dunyoning eng qimmat yosh futbolchilari (21 yoshdan katta bo‘lmagan) reytingini e’lon qildi.
Unga ko‘ra PSJ klubi va Fransiya terma jamoasi hujumchisi Kilian Mbappe ro‘yxatni boshqarib bormoqda. 21 yoshli forvard 183,3 million yevroga baholangan. Qiymat Transfermarkt, CIES va amalga oshirilgan transfer kelishuvlari asosida belgilangan.
Ikkinchi o‘rindan “Atletiko” hujumchisi Joau Feliks (104 million yevro) o‘rin olgan bo‘lsa, “Chelsi” yarim himoyachisi Kay Haverts (98 mln yevro) kuchli uchlikka kirgan.
Forbes talqiniga ko‘ra dunyoning eng qimmat yosh futbolchilari top-10 ligi:
- Kilian Mbappe (PSJ, Fransiya) — 183,3 million yevro;
- Joau Feliks (“Atletiko”, Portugaliya) — 104 mln yevro;
- Kay Haverts (“Chelsi”, Germaniya) — 98 mln yevro;
- Alfonso Devis (“Bavariya”, Kanada) — 88,3 mln yevro;
- Matteys de Ligt (“Yuventus”, Niderlandiya) — 86,8 mln yevro;
- Jeydon Sancho (“Borussiya D”, Angliya) — 86,8 mln yevro;
- Erling Holand (“Borussiya D”, Norvegiya) — 68,3 mln yevro;
- Ashraf Hakimi (“Inter”, Marokash) — 66,3 mln yevro;
- Viktor Osimhen (“Napoli”, Nigeriya) — 63 mln yevro;
- Ferran Torres (“Manchester Siti”, Ispaniya) — 57,7 mln yevro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)