Futbol bo‘yicha Belarus chempionatining 23-turida Soligorskning “Shaxtyor” jamoasi 31-oktabr, shanba kuni “Belshina” maydonida mehmon bo‘ldi.
Uchrashuvning birinchi bo‘limida hisob ochilmadi, biroq ikkinchi bo‘limda darvozalar olti bor ishg‘ol etildi. O‘zbekistonlik hujumchi Jasur Yaxshiboyev het-trikni rasmiylashtirdi. Soligorskliklar safida Yulius Szoke va Yuriy Kendish ham o‘z hisobiga gol yozdirib qo‘ydi. Maydon egalarining yagona javob to‘piga Denis Levitskiy muallif bo‘ldi.
Uchrashuvda Yaxshiboyev asosiy tarkibda maydonga tushdi va 85-daqiqada zaxiraga olindi. Ushbu g‘alabadan keyin ochkolarini 53 taga yetkazib oldi va ikkinchi o‘rinda bormoqda.
Belarus Oliy Ligasi
23-tur bahsi
31-oktabr, shanba
“Belshina” — “Shaxtyor Soligorsk” 1:5
Gollar: 0:1 – 58 Yaxshiboyev, 0:2 – 63 Yaxshiboyev, 0:3 – 75 Szoke, 0:4 – 81 Yaxshiboyev, 0:5 – 86 Kendish, 1:5 – 90+2 Levitskiy.“Belshina”: Xaritonovich, Kovalevskiy, Kirisov, Kuchinskiy (Yasyukevich, 79), Odeoibo, Sazonovich, Glebko, Rekish, Salimov, Solanovich (Levitskiy, 67), Kovel (Butakov, 85).
“Shaxtyor”: Gutor, Begunov (Burko, 87), Antich, Xadarkevich, Szoke, Selyava, Kendish, Podstrelov, Yaxshiboyev (Bodul, 85), Kabananga (Arxipov, 79), Santos.
Ogohlantirishlar: Kovalevskiy (23), Santos (48), Glebko (67).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)