“Manchester Yunayted” hujumchisi Markus Reshford Chempionlar Ligasi guruh bosqichi 2-turidan o‘rin olgan “Leypsig”ga qarshi o‘yinda (5:0) 3 ta gol urib, jamoaning amaldagi bosh murabbiyi Ole-Gunnar Sulsherning futbolchilik vaqtidagi e’tiborga molik natijasini takrorladi.

Foto: Twitter

Goal xabariga ko‘ra, 22 yoshli Markus zaxiradan maydonga tushganidan keyin het-trik qayd etgan “Manchester Yunayted”ning ikkinchi futbolchisiga aylangan. Ungacha ushbu natijaga Ole-Gunnar Sulsher erishgandi. Sulsher 1999-yil fevral oyida zaxiradan o‘yinga qo‘shilib, “Nottinghem Forest” darvozasini uch bor ishg‘ol qilgan.

Ma’lumot uchun, Reshford “qizil iblislar” akademiyasi tarbiyalanuvchisi hisoblanadi. Markus 2020/21-yilgi mavsum “Manchester Yunayted” safida 9 uchrashuvda ishtirok etib, 7 ta gol va 2 ta golli uzatmaga mualliflik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!