Bugun,

  • USD 11095.31
  • RUB 173.84
  • EUR 10772.44

O‘zbekistonda COVID-19 bilan qayta kasallanish bo‘yicha to‘liq ma’lumot yo‘q. Bu haqda Koronavirusga qarshi kurash shtabi a’zosi Sevara Ubaydullayeva “Shifobaxshuz” Telegram kanaliga bergan qisqacha intervyusida aytib o‘tdi.

Eslatib o‘tamiz, o‘tgan hafta Koronavirusga qarshi kurash shtabi a’zosi Nargiza Nurullayeva O‘zbekistonda COVID-19 bilan qayta kasallanish holatlari qayd etilayotganini ma’lum qilgan edi. Uning bergan ma’lumotiga ko‘ra, COVID-19’ga qarshi organizmda antitana ishlab chiqariladi, ammo antitanalar qanchalik chidamli, qayta zararlanish mumkinmi va bu holat qancha muddat davomida yuz berishi aniq emas.”Biz qayta zararlanish holatlari kuzatilishi mumkinligiga ilmiy tomonlama amin bo‘lishimiz lozim», — degan edi Nargiza Nurullayeva.

Koronavirusga qarshi kurash shtabining yana bir boshqa a’zosi Sevara Ubaydullayeva COVID-19 bilan qayta kasallanish bo‘yicha to‘liq ma’lumot yo‘qligini aytib o‘tdi.

Sevara Ubaydullayeva

Sevara Ubaydullayeva
Foto: Uzreport Tv

“Shu vaqtga qadar ambulator sharoitda davolanib chiqqanlar orasida qayta kasallanish bo‘yicha murojaatlar uchramadi. Qayta shamollab, xavotirga tushgan bemorlar o‘zida koronavirus belgilariga o‘xshash belgilarni kuzatgan bo‘lishi ham mumkin”, – deydi Sevara Ubaydullayeva

Mutaxassisning alohida ta’kidlashicha, Koronavirusga qarshi kurash shtabiga koronavirus bilan qayta chalinish bo‘yicha ma’lumot kiritilmagan.

“Men o‘zim aniq bir narsa aytishim mumkin, agar polemeraza (zanjir reaksiyasi)da qayta kasallanish tasdiqlanib, qayta kasallanishni ro‘yxatga olish boshlansa, rasmiy ravishda ro‘yxat tuziladi. Balki bunday ma’lumotlar klinikalarda yig‘ib borilayotgandir. Koronavirus qayta chalinish holati polemeraza bo‘yicha tasdiqlandi, bunday darajada o‘tdi, degan ma’lumot menda yo‘q”, — deya qo‘shimcha qildi u.

Sentabr oxirlarida O‘zbekistonning bosh sanitar inspektori va Koronavirusga qarshi kurashish shtabi a’zosi Nurmat Otabekov koronavirus infeksiyasi bilan qaytadan kasallanish masalasida aholi tomonidan berilayotgan savollarga javob qaytarib, “bu epidemik mavsumda COVID-19 bilan qayta kasallanish ehtimoli yo‘q”ligini aytgandi.

O‘shanda Otabekov dunyoda COVID-19 yoppasiga hammada qaytadan qayd etilishi to‘g‘risida bironta ham asoslangan ilmiy ma’lumot yo‘qligini ta’kidlagandi.

Shuningdek, Virusologiya ilmiy-tekshirish instituti klinikasining bosh shifokori, tibbiyot fanlari doktori Muhayyo Asilova ham avgust oyining boshlarida O‘zbekistonda pandemiya boshlanganidan buyon koronavirusga chalinganlarning qayta kasallanish holatlari kuzatilmaganini ma’lum qilgandi.

Izoh
Asosiy yangiliklar
Mahalliy
O‘zbekistonning turli hududlarida elektr ta’minotida cheklovlar kiritiladi
Dunyo
“Daryo” kundaligida 5-dekabrda sodir bo‘lgan eng muhim voqealar
Madaniyat
“Ikki o‘g‘lim AQShda tahsil oladi, ularning san’at yo‘lidan ketishini istamadim”. Anvar Sanayev farzandlari haqida (video)