Futbol bo‘yicha Italiya A Seriyasining 4-turida “Inter” va “Milan” jamoalari 17-oktabr, shanba kuni o‘zaro bahs yuritdi.
Uchrashuv teng kurashlar ostida boshlandi, biroq birinchi bo‘lim avvalida “Milan” vakillari ikkita to‘p kiritgan holda oldinga o‘tib oldi. 13-daqiqada Zlatan Ibragimovich penaltini ijro etdi, uning zarbasini darvozabon qaytarishga erishdi, qaytgan to‘pni Zlatanning o‘zi darvozaga joy qo‘ydi. Oradan uch daqiqa o‘tib Ibragimovich jamoasining tezkor hujumini gol bilan yakunladi.
Bunga “Inter” 29-daqiqada Romelu Lukakuning goli bilan javob qaytardi. Ikkinchi bo‘lim “neradzuri”ning ustunligida o‘tdi, biroq Antoni Konte shogirdlari vaziyatni o‘nglay olmadi.
Ushbu g‘alabadan keyin “Milan” ochkolarini 12 taga yetkazib olgan holda peshqadamga aylandi.
“Napoli” o‘z maydonida musobaqa peshqadami “Atalanta”ni qabul qildi va yirik hisobda g‘alaba qozondi. Neapolliklar safida Irving Losano dubl qayd etgan bo‘lsa, Matteo Politano va Viktor Osimhen bir martadan raqib darvozasini ishg‘ol qildi. Bunga bergamoliklar Sam Lammersning kiritgan to‘pi bilan javob qaytardi.
A Seriya
4-tur bahslari
17-oktarb, shanba
“Inter” — “Milan” 1:2
Gollar: 0:1 – 13 Ibragimovich, 0:2 – 16 Ibragimovich, 1:2 – 29 Lukaku.“Inter”: Handanovich, de Vrey, Kolarov, D`Ambrozio, Hakimi, Brozovich (Eriksen, 68), Vidal (Sanches, 83), Perishich, Barella, Lukaku, Martines.
“Milan”: Donnarumma, Teo, Romanoli, Kyer, Kalabriya, Bennaser, Salemakers (Kastilyexo, 63), Chalxono‘g‘lu, Kessie (Tonali, 87), Ibragimovich, Rafael Leau (Krunich, 62).
Ogohlantirishlar: Kyer (22), Kessie (45), Ibragimovich (60), Brozovich (64), Vidal (69), Hakimi (83).
“Napoli” — “Atalanta” 4:1
Gollpr: 1:0 – 23 Losano, 2:0 – 27 Losano, 3:0 – 30 Politano, 4:0 – 43 Osimhen, 4:1 – 69 Lammers.“Sampdoriya” — “Latsio” 3:0
Gollar: 1:0 – 32 Kualyarella, 2:0 – 41 Aujello, 3:0 – 74 Damsgor.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)