Toshkent shahridagi Farg‘ona yo‘li ko‘chasining ayrim qismlari 10 kunga yopiladi, deya xabar bermoqda shahar hokimligi axborot xizmati.

Foto: Toshkent shahar hokimligi

Ma’lum qilinishicha, yo‘lni ta’mirlash ishlari sababli 17-oktabr kuni soat 00:00 dan 27-oktabr kuniga qadar quyidagi yo‘l qismlari harakatlanish uchun yopiladi:

  • Farg‘ona yo‘li ko‘chasidan Compass SKMga o‘tuvchi yo‘l;
  • Compass SKM yaqinidagi ko‘prik ostidagi qaytish yo‘li (razvorot);
  • THAYdan Farg‘ona yo‘li ko‘chasiga chiquvchi yo‘l.

Hokimlik tomonidan vujudga kelishi mumkin bo‘lgan tirbandliklarning oldini olish maqsadida haydovchilarga aylanma yo‘llardan foydalanish tavsiya qilingan.

Avvalroq Toshkentning Farg‘ona yo‘li ko‘chasidagi ta’mirlash ishlari yakuniga yetmasdan, yo‘l chiziqlari chizib qo‘yilganiga izoh berilgandi.