Nobel fondining Direktorlar kengashi 2020-yildan boshlab Nobel mukofoti miqdorini 1 million shved kronasiga (taxminan 110 ming AQSh dollari) oshirishga qaror qildi, deb xabar bermoqda “Meduza”.

Foto: Tut.by

Bundan buyon bitta sovrin miqdori 10 million kronani yoki 1,1 million AQSh dollarini tashkil qiladi.

Nobel fondining ta’kidlashicha, so‘nggi 8 yil ichida fondning umumiy kapitali muvaffaqiyatli investitsiyalar tufayli 3 milliarddan 4,6 milliard kronagacha o‘sgan. Shuning uchun mukofot miqdorini oshirish mumkin bo‘lgan.

Ma’lumot uchun, mukofot egalarini e’lon qilish 5-oktabrdan boshlanadi. Har yili laureatlar Alfred Nobelning tug‘ilgan kuni – 10-dekabrda Stokgolmda taqdirlanadi. 2020-yilda taqdirlash marosimi koronavirus tufayli o‘tkazilmasligi ma’lum qilingandi.