Qirg‘izistonning sobiq prezidenti Almazbek Atambayev Bishkekda ommaviy tartibsizliklar uyushtirish ishi doirasida qo‘lga olindi, deb xabar bermoqda “RIA Novosti”. Mamlakat Milliy xavfsizlik davlat qo‘mitasi xabariga tayanib.
Sobiq davlat rahbari uning qarorgohiga bostirib kirgan maxsus kuchlar tomonidan 10-oktabr kuni ushlangan. Shuningdek, Atambayev tarafdori bo‘lgan uning ikki sobiq tan soqchisi Damir Musakeyev va Kanat Saginbayev ham qo‘lga olingan.
Atambayev 6-oktabrga o‘tar kechasi Bishkekdagi namoyishchilar tomonidan tergov izolyatoridan ozod qilinganidan to‘rt kun o‘tib qo‘lga olingan. Iyun oyida Atambayev jinoiy avtoritet Aziz Batukayevni noqonuniy ravishda ozod qilganlikda ayblanib, 11 yilga qamoq jazosiga hukm qilingandi.
Avvalroq Almazbek Atambayevga nisbatan suiqasd uyushtirilgani xabar qilingan edi.
Izoh (0)