Футбол бўйича Coca-Cola Суперлиганинг 18-турида «Локомотив» 2 октябрь, жума куни «Сўғдиёна» майдонига сафар қилди.
Учрашувнинг 20-дақиқасида Жамшид Болтабоев жиззахликларни олдинга олиб чиқди. 34-дақиқада Шаҳбоз Жўрабеков майдон эгаларининг иккинчи голини урди.
Иккинчи бўлимда «темир йўлчилар» фаолликни оширди ва бу 64-дақиқада ўз самарасини берди: Диёр Туропов аниқ зарбаси билан ҳисобни қисқартирди. Қолган вақтда ҳисоб ўзгармади.
Ушбу ғалабадан кейин «Сўғдиёна» очколарини 23 тага етказиб олган ҳолда 8-ўринга кўтарилди. «Локомотив» (22) эса 9-поғонага тушиб кетди.
«Локомотив» кейинги турда «Бунёдкор» билан ўйнайди, «Сўғдиёна» эса «Андижон» майдонига меҳмон бўлади.
Coca-Cola Суперлига
18-тур баҳси
2 октябрь, жума
«Сўғдиёна» — «Локомотив» 2:1
Голлар: 1:0 – 20 Болтабоев, 2:0 – 34 Жўрабеков, 2:1 – 64 Туропов.«Сўғдиёна»: Милан Митрович, Сардор Қулматов, Искандар Шойқулов (Аюбхон Нў‘монов 76), Санжар Рашидов (Даниел Насриддинов 69), Жамшид Болтабоев, Жасур Ҳасанов, Шавкат Муллажонов, Жавоҳир Қаҳрамонов, Баҳодир Насимов (Саҳоб Рашидов 61), Шаҳбоз Жўрабеков, Марко Колакович (Элёр Орифов 76).
«Локомотив»: Жавоҳир Илёсов, Жаҳонгир Абдумўминов (Шаҳзод Шайманов 71), Кахи Махарадзе, Темурхўжа Абдухолиқов, Азизбек Амонов (Кирилл Погребняк 82), Ғулом Ҳайдар Ғуломов, Дилшод Комилов (Славко Дамянович 59), Шуҳрат Муҳаммадиев, Шерзод Файзиев, Жалолиддин Жумабоев, Диёржон Туропов.
Огоҳлантиришлар: Митрович (3), Шойқулов (12), Абдумўминов (17), Жўрабеков (57), Насриддинов (90+1), Погребняк (90+3).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)