Futbol bo‘yicha Germaniya Superkubogi uchun “Bavariya” va “Borussiya D” jamoalari 30-sentabr, chorshanba kuni o‘zaro bahs olib bordi.
Uchrashuvning 18-daqiqasida Korentin Tolisso myunxenliklarni oldinga olib chiqqan bo‘lsa, 32-daqiqada Tomas Myuller mezbonlarning ikkinchi golini urdi. Bunga dortmundliklar birinchi bo‘limda Yulian Brandtning goli bilan javob berdi.
Ikkinchi bo‘lim debyutida Erling Holand hisobni tenglashtirishga muvaffaq bo‘ldi. Uchrashuv yakunlanishi arafasida Yozua Kimmix mehmonlar himoyasidagi xatodan unumli foydalanib, yakuniy hisobni o‘rnatdi — 3:2.
Shu tariqa 2019/20-yilgi mavsumida trebl qayd etgan “Bavariya” 8-marta Germaniya Superkubogini qo‘lga kiritdi.
Germaniya Superkubogi
30-sentabr, chorshanba
“Bavariya” — “Borussiya D” 3:2
Gollar: 1:0 – 18 Tolisso, 2:0 – 32 Myuller, 2:1 – 39 Brandt, 2:2 – 55 Holand, 3:2 – 82 Kimmix.“Bavariya”: Noyer, Zyule, Pavar (Richards, 76), Devis, Lyuka Ernandes, Tolisso, Kimmix, Koman (Gnabri, 54), Xavi Martines (Musiala, 84), Myuller, Levandovski (Zirkzee, 83).
“Borussiya D”: Xits, Menye (Shuls, 67), Hummels (Pishchek, 76), Akanji, Passlak, Brandt (Bellinghem, 76), Jan, Dileyni, Daud, Roys (Reyna, 72), Holand (Reyniyer, 68).
Ogohlantirish: Lyuka Ernandes (66).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)