Футбол бўйича Германия Суперкубоги учун «Бавария» ва «Боруссия Д» жамоалари 30 сентябрь, чоршанба куни ўзаро баҳс олиб борди.
Учрашувнинг 18-дақиқасида Корентин Толиссо мюнхенликларни олдинга олиб чиққан бўлса, 32-дақиқада Томас Мюллер мезбонларнинг иккинчи голини урди. Бунга дортмундликлар биринчи бўлимда Юлиан Брандтнинг голи билан жавоб берди.
Иккинчи бўлим дебютида Эрлинг Ҳоланд ҳисобни тенглаштиришга муваффақ бўлди. Учрашув якунланиши арафасида Йозуа Киммих меҳмонлар ҳимоясидаги хатодан унумли фойдаланиб, якуний ҳисобни ўрнатди — 3:2.
Шу тариқа 2019/20 йилги мавсумида требл қайд этган «Бавария» 8 марта Германия Суперкубогини қўлга киритди.
Германия Суперкубоги
30 сентябрь, чоршанба
«Бавария» — «Боруссия Д» 3:2
Голлар: 1:0 – 18 Толиссо, 2:0 – 32 Мюллер, 2:1 – 39 Брандт, 2:2 – 55 Ҳоланд, 3:2 – 82 Киммих.«Бавария»: Нойер, Зюле, Павар (Ричардс, 76), Дэвис, Люка Эрнандес, Толиссо, Киммих, Коман (Гнабри, 54), Хави Мартинес (Мусиала, 84), Мюллер, Левандовски (Зиркзее, 83).
«Боруссия Д»: Хитц, Менье (Шулс, 67), Ҳуммелс (Пишчек, 76), Аканжи, Пасслак, Брандт (Беллингҳем, 76), Жан, Дилэйни, Дауд, Ройс (Рейна, 72), Ҳоланд (Рейниер, 68).
Огоҳлантириш: Люка Эрнандес (66).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)