Futbol bo‘yicha Angliya Premyer Ligasining 3-turida “Liverpul” 28-sentabr, dushanba kuni “Arsenal”ni qabul qildi.

Foto: Twitter

Uchrashuv maydon egalarining hujumlari ostida boshlangan bo‘lsa-da, birinchi bo‘lib gol urish londonliklarga nasib etdi. 25-daqiqada Aleksandr Lyakazett “qizillar” darvozasini ishg‘ol qildi.

Oradan uch daqiqa o‘tib “Liverpul” futbolchilari Sadio Manening goli bilan bunga javob qaytardi. 34-daqiqada Trent Aleksander-Arnoldning uzatmasini Endryu Robertson golga aylantirdi.

Ikkinchi bo‘limda har ikki jamoada ham bir qator imkoniyatlar yuzaga keldi. 88-daqiqada Diogu Jota mersisaydliklar safidagi debyut golini urgan holda yakuniy hisobni o‘rnatdi — 3:1.

“Liverpul” keyingi turda “Aston Villa” bilan o‘ynaydi, London klubi esa “Sheffild Yunayted”ga qarshi bahs olib boradi.

APL

3-tur bahsi

28-sentabr, dushanba

“Liverpul” — “Arsenal” 3:1

Gollar: 0:1 – 25 Lyakazett, 1:1 – 28 Mane, 2:1 – 34 Robertson, 3:1 – 88 Diogu Jota.

“Liverpul”: Alisson, Aleksander-Arnold, van Deyk, Robertson, Gomes, Fabinyo, Keyta (Milner, 79), Mane (Diogu Jota, 80), Veynaldum, Saloh, Firmino (Minamino, 90).

“Arsenal”: Leno, Belyerin, David Luiz, Tirni, Meytlend-Naylz, Jaka (Sebalyos, 60), an-Nenni, Villian (Pepe, 68), Holding, Obameyang, Lyakazett (Nketia, 73).

Ogohlantirishlar: Mane (3), Aleksander-Arnold (49), Belyerin (68), Sebalyos (72).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!