Unchalik ham mashhur bo‘lmagan Vision Automobiles Paris dizaynerlik uyi 1789-yilda Fransiyada sodir bo‘lgan inqilob sharafiga yaratilgan Vision 1789 poyga avtomobilining suratlari bilan bo‘lishdi. Biometanda harakatlanishi kerak bo‘lgan superkardan nafaqat poyga trassasida, balki umumiy yo‘llarda ham foydalanish mumkin, deb xabar beradi CARakoom.

Foto: CARakoom

Vision 1789 old qismiga massiv splitter o‘rnatilgan futuristik kuzovga ega. Old g‘ildirak arkalari shunday usulda yaratilganki, g‘ildiraklarning nafaqat tashqi tomoni, balki ichini ham hech qanday muammosiz ko‘rish mumkin.

Mazkur renderingga mashinaning old qismiga qo‘shilib ketgan old oyna qo‘shimcha joziba bag‘ishlaydi, u orqali old “podveska”ning elementlarini ko‘rish mumkin.

Foto: CARakoom

Superkar unchalik katta bo‘lmagan, orqani ko‘rishga mo‘ljallangan an’anaviy oynalar bilan jihozlangan. Yon tomonlarida Venturi deb nomlanuvchi tunnellar bo‘lib, u aerodinamikaning yaxshilanishiga xizmat qilishi kerak.

Hayratlanarli tashqi ko‘rinishga orqa qismidagi ulkan diffuzorlar yakun yasaydi, ular shaffof seksiyalar, ingichka orqa yorug‘lik fonarlari va orqa antiqanotlarni o‘z ichiga olgan.

Foto: CARakoom

Modelning interyeri ham eksteryeri kabi hayratlanarli. Sport o‘rindiqlari ilmiy-fantastik filmlardagi o‘zga sayyoraliklarniki kabi ko‘rinishga ega. Haydovchining ro‘parasida displey bilan integrallashgan xuddi poyga mashinalaridagi kabi rul chambaragi o‘rin olgan.

Foto: CARakoom

Foto: CARakoom