Germaniya Bundesligasining 2020/21-yilgi mavsumi taqvimi e’lon qilindi. Musobaqaning yangi mavsumi 18-sentabrdan start oladi.
Foto: Bundesliga
Mavsumni ochib beruvchi o‘yinlar qachon o‘tkazilishi noma’lum. U Chempionlar Ligasi 2019/20-yilgi mavsumi natijalariga bog‘liq bo‘ladi.
Germaniyadagi an’anaga ko‘ra, mavsum chempion jamoa ishtirokidagi o‘yin bilan ochiladi. Ya’ni ilk uchrashuv “Bavariya” va “Shalke-04” jamoalari o‘rtasida kechishi kerak. Biroq myunxenliklar klubi Chempionlar Ligasi finaliga (23-avgust) qadar yetib borsa, u holda ularning starti 21-sentabrga ko‘chirilishi mumkin.
Bunday bo‘lgan taqdirda ochilish uchrashuvi Dortmund va Myunxengladbaxning “Borussiya”lari o‘rtasida kechadi.
“Bavariya” va “Borussiya D” ishtirokidagi Germaniya Superkubogi 30-sentabrga mo‘ljallangan.
Bundesliga 2020/21-yilgi mavsumi 2021-yilning 22-mayida yakunlanadi.
Bundesliga
1-tur bahslari
18—21-sentabr
“Bavariya” — “Shalke-04”
“Borussiya D” — “Borussiya M”
“Leypsig” — “Mayns”
“Volfsburg” — “Bayer”
“Ayntraxt” — “Arminiya”
“Union” — “Augsburg”
“Kyoln” — “Hoffenhaym”
“Verder” — “Herta”
“Shtutgart” — “Frayburg”
To‘liq taqvim bilan ushbu havolada tanishing.
Foto: Bundesliga
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
