“O‘zbekiston Respublikasi aholisi va hududining seysmik xavfsizligini ta’minlash tizimini tubdan takomillashtirish chora-tadbirlari to‘g‘risida”gi Prezident qarori qabul qilindi. Bu haqda Adliya vazirligining Telegram’dagi “Huquqiy axborot” kanali xabar qilgan.
Qaror bilan seysmologiya, inshootlarning seysmik mustahkamligini va seysmik xavfsizlikni ta’minlash sohasidagi mas’ul davlat organlari belgilangan.
Hukumat tarkibiy tuzilmasida ushbu sohani muvofiqlashtiruvchi sho‘ba va tegishli jamg‘arma tashkil etilgan.
Qarorga ko‘ra:
- 2021-yil 1-apreldan seysmik faol hududda joylashgan mavjud bino va inshootlar, ko‘p qavatli turar joylarning seysmik zaifligini baholashga xizmat qiluvchi;
- 2021-yil 1-maydan yangi qurilishi rejalashtirilayotgan ko‘p qavatli bino va inshootlarning konstruktiv tizimi, qurilish maydonining seysmik darajasi kabilarni nazarda tutuvchi elektron texnik pasportlar shakllantiriladi.
- 2021-yil 1-aprelga qadar aholiga sodir bo‘lgan zilzila bo‘yicha to‘liq ma’lumot beruvchi mobil ilova yaratiladi.
- 2020-yil 1-noyabrga qadar barcha suv omborlari va gidrotexnika inshootlarining seysmik mustahkamlik holatini baholash bo‘yicha ekspress uslubiyot ishlab chiqiladi.
Izoh (0)