Bosh davlat sanitariya inspektori Nurmat Otabekovda COVID-19 aniqlandi
Vazirlar Mahkamasi huzuridagi Sanitariya-epidemiologik nazorati davlat inspeksiyasi boshlig‘i Nurmat Otabekovda koronavirus aniqlandi. Buni uning o‘zi “Daryo” muxbiri bilan suhbatda tasdiqladi.
“Test natijasiga ko‘ra, menda koronavirus aniqlangani rost. Ayni paytda davolanyapman”, — dedi Otabekov.
Nurmat Otabekov 27-iyul kuni AOKA shtabida tashkil qilingan brifingda ham ishtirok etib, bir qator savollarga javob bergandi.
Ma’lumot uchun, Bosh davlat sanitariya inspektori Nurmat Otabekov 2020-yilning 23-iyul kuni O‘zbekiston Prezidenti tomonidan imzolangan “Koronavirus pandemiyasiga qarshi kurashishda fidoyilik ko‘rsatgan yurtdoshlarimizdan bir guruhini mukofotlash to‘g‘risida”gi farmonga ko‘ra, “Fidokorona xizmatlari uchun” ordeni bilan taqdirlangan.
