Buxoro viloyatining Vobkent tumanida yashovchi fuqaro D.H. tumanning Xargo‘sht qishlog‘ida yashovchi ayolga o‘zini viloyat xokimligi qurilish bo‘limi xodimi deb tanishtirib, 800 dollar evaziga kam ta’minlangan oilalar uchun mo‘ljallangan uydan olib berishga va’da beradi. Bu haqda “Daryo”ga Bosh prokuratura huzuridagi iqtisodiy jinoyatlarga qarshi kurashish departamenti viloyat boshqarmasi axborot xizmati xabar berdi.
Buxoro xokimligining soxta xodimi turmushidan ajralgan ayolning qiyin ahvoldaligi va uyga muhtojligidan foydalanib, daromad orttirishni maqsad qiladi.
2020-yilning 27-iyul kuni bu haqda DXX viloyat boshqarmasiga murojaat qilgan ayolning arizasiga ko‘ra, shu kuni DXX xodimlari va Bosh prokuratura huzuridagi iqtisodiy jinoyatlarga qarshi kurashish departamenti xodimlari tomonidan tezkor tadbir o‘tkazilgan. Tadbirda D.H. ariza muallifidan 800 dollar olayotgan vaqtida jinoyat ustida qo‘lga olingan.
Hozirda ushbu holat yuzasidan tergovga qadar surishtiruv ishlari olib borilmoqda.
Mavzuga doir:
- Toshkentda o‘zini Prezident administratsiyasi xodimi sifatida tanishtirib, firibgarlik bilan shug‘ullangan shaxs ushlandi (video)
- Surxondaryolik firibgar MIB xodimiga o‘zini hamkasbi sifatida tanishtirib, pul undirmoqchi bo‘ldi
- Buxoro viloyatida odamlardan 500 dollar pora olgan soxta DXX xodimi qo‘lga olindi
Izoh (0)