Вазирлар Маҳкамаси ҳузуридаги Санитария-эпидемиологик назорати давлат инспекцияси бошлиғи Нурмат Отабековда коронавирус аниқланди. Буни унинг ўзи «Дарё» мухбири билан суҳбатда тасдиқлади.
«Тест натижасига кўра, менда коронавирус аниқлангани рост. Айни пайтда даволаняпман», — деди Отабеков.
Нурмат Отабеков 27 июль куни АОКА штабида ташкил қилинган брифингда ҳам иштирок этиб, бир қатор саволларга жавоб берганди.
Маълумот учун, Бош давлат санитария инспектори Нурмат Отабеков 2020 йилнинг 23 июль куни Ўзбекистон Президенти томонидан имзоланган «Коронавирус пандемиясига қарши курашишда фидойилик кўрсатган юртдошларимиздан бир гуруҳини мукофотлаш тўғрисида»ги фармонга кўра, «Фидокорона хизматлари учун» ордени билан тақдирланган.
Изоҳ (0)