Bugun,

  • USD 11014.01
  • RUB 191.8
  • EUR 10674.78

Ko‘rsatilgan bozor xizmatlari hajmi 2020-yilning yanvar–iyun oylarida 100, 6 trillion so‘mga yetdi. Uning nominal hajmi 11, 1 trillion so‘mga oshdi. Taqqoslama ekvivalentda, o‘tgan yilning shu davriga nisbatan o‘sish sur’ati 2,6 foizni tashkil etdi. Bu haqda Davlat statistika qo‘mitasi ma’lum qildi.

Qayd etilishicha, 2020-yilning yanvar oyiga nisbatan joriy yilning iyun oyida (diskret oy) ko‘rsatilgan bozor xizmatlari hajmi 4,0 trillion so‘mga oshdi va 20,3 trillion so‘mga yetdi.

2020-yilning ikkinchi diskret choragi yakunlariga ko‘ra, ko‘rsatilgan xizmatlar hajmi 50,3 trillion so‘mni tashkil etib, 2019-yilning ikkinchi diskret choragiga nisbatan (48,2 trillion so‘m) hajmi 2,1 trln so‘mga oshdi.

Ko‘rsatilgan bozor xizmatlari jami hajmining o‘sishidagi asosiy omil, moliyaviy xizmatlar 35,9 foizga (ko‘rsatilgan xizmatlar jami hajmining mutlaq o‘sishiga ta’siri 4,1 foiz punkt), aloqa va axborotlashtirish xizmatlari 15,1 foizga (mutlaq o‘sishiga ta’siri 0,5 foiz punkt), ta’lim sohasidagi xizmatlar 11,5 (mutlaq o‘sishiga ta’siri 0,2 foiz punkt), savdo xizmatlari 0,8 foizga (mutlaq o‘sishiga ta’siri 0,1 foiz punkt) o‘sishi hisoblanadi.

2020-yilning yanvar—iyun oylarida jami ko‘rsatilgan xizmatlar hajmi o‘tgan yilning shu davriga nisbatan solishtirma narxlardagi o‘sish sur’ati 2,6 foizni tashkil etdi.

Ko‘rsatilgan bozor xizmatlari jami hajmining nisbatan pastligiga asosiy omil bo‘lib transport xizmatlarining 9,1 foizga (ularning salbiy ta’siri 1,2 punktga), yashash va ovqatlanish xizmatlari 17,1 foizga (-0,2 punktga), sog‘liqni saqlash sohasidagi xizmatlar 13,1 foizga, ko‘chmas mulk bilan bog‘liq xizmatlar 9,5 foizga, me’morchilik, muhandislik izlanishlari, texnik sinovlar va tahlil sohasidagi xizmatlar 8,0 foizga, ijara xizmatlari 6,2 foizga pasayishi 0,1 punktga salbiy ta’sir ko‘rsatdi.

Izoh
Asosiy yangiliklar
Mahalliy
Samarqandda to‘yda yo‘qolib qolgan 4 yoshli bolaning jasadi quduq ichidan topildi
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi