“Dengizchi Popay” multfilmi hozir televizor ekranlarida bo‘lmasa-da, hanuz ko‘pchilikning bolaligini esga solishi shubhasiz. 14-iyul – ko‘p yillar davomida komikslar, televizion multfilmlar, videoo‘yinlar, ismaloqdan tortib qandolat mahsulotlarining yuzlab reklamalarini bezagan Popay tug‘ilgan kun. “Daryo” sana munosabati bilan e’tiboringizga qiziqarli fotojamlanmalarni taqdim etadi.
Dengizchi Popay Amerika-Gonkong multfilmi hisoblanib, u bu mashhur dengizchi Popay haqidadir. Popay ilk bor komikslarda 1929-yil 17-yanvarida paydo bo‘lgan. Lekin Popayga olamshumul shuhrat aynan u haqdagi multfilmlar keltirgan. Shu bois uning yubileylari muxlislari tomonidan odatda 14-iyulda nishonlanadi.
Popay haqidagi ilk multfilm 1933-yil 14-iyulda chiqqan Popeye The Sailor hisoblanadi. Multfilm yaratuvchisi mashhur amerikalik animator Maks Fleysherdir. U, Popaydan tashqari, Betti Bup, Supermen singari mashhur qahramonlarnin multfilmlarini ham ishlagan.
1938-yilga kelib, so‘rovlar ko‘rsatishicha, dengizchi Popay Gollivudning eng mashhur multfilm qahramoniga aylandi.
Popay o‘z vaqtida dunyodagi 50 ta eng yaxshi multfilm qahramonlari ro‘yxatiga kiritildi. U qiyin vaziyatlarga duch kelganda multfilmdagi qahramonlik belgisi bo‘lgan ismaloqni iste’mol qiladi va hal qilib bo‘lmaydigan muammolar yechimini topadi, politsiyaga yordam beradi, odamlarni qutqaradi. Shu tariqa qahramonga aylanadi.
Ma’lumotlarga qaraganda, britaniyalik “Rodni” nomli linkorining katta o‘t yoquvchisi “Dengizchi Popay” multfilmining bosh qahramoni yaratilishi uchun prototip bo‘lib xizmat qilgan.
Izoh (0)