«Денгизчи Попай» мультфильми ҳозир телевизор экранларида бўлмаса-да, ҳануз кўпчиликнинг болалигини эсга солиши шубҳасиз. 14 июль – кўп йиллар давомида комикслар, телевизион мультфильмлар, видеоўйинлар, исмалоқдан тортиб қандолат маҳсулотларининг юзлаб рекламаларини безаган Попай туғилган кун. «Дарё» сана муносабати билан эътиборингизга қизиқарли фотожамланмаларни тақдим этади.
Денгизчи Попай Америка-Гонконг мультфильми ҳисобланиб, у бу машҳур денгизчи Попай ҳақидадир. Попай илк бор комиксларда 1929 йил 17 январида пайдо бўлган. Лекин Попайга оламшумул шуҳрат айнан у ҳақдаги мультфильмлар келтирган. Шу боис унинг юбилейлари мухлислари томонидан одатда 14 июлда нишонланади.
Попай ҳақидаги илк мультфильм 1933 йил 14 июлда чиққан Popeye The Sailor ҳисобланади. Мультфильм яратувчиси машҳур америкалик аниматор Макс Флейшердир. У, Попайдан ташқари, Бетти Буп, Супермен сингари машҳур қаҳрамонларнин мультфильмларини ҳам ишлаган.
1938 йилга келиб, сўровлар кўрсатишича, денгизчи Попай Голливуднинг энг машҳур мультфильм қаҳрамонига айланди.
Попай ўз вақтида дунёдаги 50 та энг яхши мультфильм қаҳрамонлари рўйхатига киритилди. У қийин вазиятларга дуч келганда мультфильмдаги қаҳрамонлик белгиси бўлган исмалоқни истеъмол қилади ва ҳал қилиб бўлмайдиган муаммолар ечимини топади, полицияга ёрдам беради, одамларни қутқаради. Шу тариқа қаҳрамонга айланади.
Маълумотларга қараганда, британиялик «Родни» номли линкорининг катта ўт ёқувчиси «Денгизчи Попай» мультфильмининг бош қаҳрамони яратилиши учун прототип бўлиб хизмат қилган.
Изоҳ (0)