Номусга текканлик жинояти учун Сурхондарё вилояти Термиз шаҳар Ички ишлар бўлими томонидан қидирувга берилган фуқаро Тошкент шаҳар Миробод туманида қўлга олинди. Бу ҳақда Сурхондарё вилояти ИИБ ахборот хизмати хабар берди.
Маълум қилинишича, Термиз шаҳрида 2020 йилнинг апрель ойида Жиноят кодексининг 118-моддаси 1-қисмида (Номусга тегиш) кўрсатилган жиноятни содир этиб, жиноий жавобгарликдан қочиб юрган, Ангор туманида яшовчи О.У. Термиз шаҳар ИИБ томонидан қидирувга берилган.
Шунингдек, эҳтиёт чораси сифатида мазкур шахсга нисбатан қамоққа олиш қўлланилган. 12 июль куни Сурхондарё вилояти ИИБ ҳамда Термиз шаҳар ИИБ ходимлари томонидан мазкур фуқаро Тошкент шаҳар Миробод туманида юрганлиги аниқланиб, қўлга олинган.
Изоҳ (0)