Bugun,

  • USD 11095.31
  • RUB 173.84
  • EUR 10772.44

Namangan viloyati hokimi Xayrullo Bozorov Yangiqo‘rg‘on tumanida turizm va ekoturizmni yanada rivojlantirish chora-tadbirlari to‘g‘risidagi qarorni qabul qildi. Bu haqda “Daryo” muxbiri Azizbek Abduvaliyev xabar bermoqda.

Foto: Rahmonjon Mamadaliyev

Foto: Rahmonjon Mamadaliyev

Yangiqo‘rg‘on tumanidagi Nanay qishlog‘ining turizm salohiyatini oshirishga qaratilgan ushbu qaror bilan hududdagi qarovsiz turgan ko‘plab dam olish maskanlari negizida zamonaviy turizm obyektlari tashkil etiladi hamda qishloq ekoturizm markaziga aylantiriladi.

Hududdagi foydalanilmayotgan aktivlar tuman hokimligi balansiga qaytariladi va ular o‘rnida zamonaviy dam olish joylari — kemping, oromgohlar, mehmon uylari tashkil etish maqsadida mahalliy va xorijiy investorlar jalb etiladi.

Ushbu qarorga muvofiq viloyat hokimligi huzurida alohida yuridik shaxs maqomiga ega bo‘lgan Nanay qishlog‘ini ekoturizm markaziga aylantirish, dam olish maskanlari bino-inshootlaridan foydalanish va ular faoliyatini muvofiqlashtirish direksiyasi tashkil etilmoqda.

Ma’lumot uchun,  qo‘shni Qirg‘iziston bilan chegaradosh tog‘li hududda joylashgan Nanay qishlog‘ida 15 mingdan ortiq aholi istiqomat qiladi. Nanayda bugungi kungacha 100 ga yaqin mehmon uyi ro‘yxatga olingan.

 

Izoh
Asosiy yangiliklar
Madaniyat
Demet O‘zdemir yangi loyihada suratga tushadi, Ibrohim Chelikkol eski uyiga ko‘chib o‘tdi. Turk kinosi yangiliklari
Sport
Braziliya yetakchi, Fransiya — 2, Argentina 5-o‘rinda. The Guardian JCH—2022 favoritlari ro‘yxatini e’lon qildi
Sport
Krishtianu Ronaldu JCH—2022 vaqtida Portugaliya terma jamoasi bazasini tark etmoqchi bo‘lgan