AOKAda 10-iyul kuni o‘tkazilgan brifingda Vazirlar Mahkamasi huzuridagi sanitariya-epidemiologiya nazorati davlat inspeksiyasi bosh inspektori Nurmat Otabekov O‘zbekistonda koronavirus bilan bog‘liq vaziyat bo‘yicha axborot berdi.
Jumladan, axborotda mavjud virusologik laboratoriyalarda oxirgi bir kunda 17 785 ta, epidemiologik mavsum davomida 1,377,915 ta test sinovlari o‘tkazilgani qayd etilgan.
Shu kungacha O‘zbekistonda jami 11 723 nafar bemorda koronavirus infeksiyasi ro‘yxatga olingan, hozirgi kungacha 7 287 nafar (62 foiz) bemorlar butunlay sog‘aydi, 4 384 nafar bemorlar davolanmoqda.Davolanayotgan 4 384 nafar bemorlar holati:
- 10 nafari – o‘ta og‘ir;
- 42 nafari – og‘ir;
- 295 nafari – o‘rta og‘ir;
- 4036 nafari – qoniqarli holatda.
Eslatib o‘tamiz, 9-iyulda O‘zbekistonda 472 holatda kasallik qayd etilgan. Shundan 275 nafari karantin muassasalarida, 190 nafari aholi orasida, 7 nafari esa xalqaro yuk tashuvchi avtomashina haydovchilari orasida aniqlangan.
Mavzuga doir:
- Toshkentda yana 29 kishida koronavirus aniqlandi. O‘zbekistonda umumiy kasallar soni 11 723 nafarga yetdi
- Navoiyda koronavirusga chalingan 55 yoshli erkak vafot etdi. O‘zbekistonda o‘lim holatlari soni 52 taga yetdi
- Elmira Bositxonova koronavirus insondan bir necha yuz barobar aqlliroq ekanligini aytdi
Izoh (0)