O‘zbekistonda 2020-yil 9-iyul soat 23:30 holatiga ko‘ra, yana 117 nafar odamda koronavirus infeksiyasi aniqlandi va kasallanganlar soni 11 564 nafarga yetdi. Bu haqda Sog‘liqni saqlash vazirligi xabar qilgan.

Yangi kasallanish holatlarining

  • 49 tasi karantin markazidagi fuqarolar (barchasi xorijdan kelgan) orasida;
  • 42 tasi Toshkent shahrida aholi orasida;
  • 15 tasi Namangan viloyatida (shundan 9 tasi koronavirusga chalinganlar bilan muloqotda bo‘lib, karantinga olingan fuqarolar orasida, 6 tasi aholi orasida);
  • 7 tasi Toshent viloyatida xalqaro yuk tashuvchi avtomashina haydovchilarda;
  • 2 tasi Farg‘ona viloyatida;
  • Surxondaryo va Buxoro viloyatida esa 1 tadan aholi orasida aniqlangan.

9-iyul kun davomida Toshkent shahridagi tibbiyot muassasalarida 203 nafar, Samarqand viloyatida 15 nafar, Namangan viloyatida 5 nafar, Buxoro viloyatida 4 nafar, jami 227 nafar bemor tuzalgan. Tuzalganlarning umumiy soni 7287 nafarga (63 foiz) yetgan.

O‘zbekistonda 4226 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda, deyiladi SSV xabarida.

Epidemiya boshlanganidan beri jami 51 nafar bemor koronavirus infeksiyasi asoratlari oqibatida hayotdan ko‘z yumgan.