Amerikalik hip-hop va rep yo‘nalishidagi qo‘shiqlari bilan mashhur Mayls Parks MakKollum (Lil Yachty) o‘zining Ferrari 488 avtomobilida YTHga uchradi. Qo‘shiqchining o‘ziga jiddiy zarar yetmagan, biroq 330 ming dollarlik superkar pachoq bo‘lgan, deb yozadi Billboard.

Foto: Twitter

22 yoshli qo‘shiqchi avariya sodir bo‘lgan joydagi suratni o‘zining Twitter’dagi sahifasiga joylashtirgan.

“Men o‘z hayotimdan minnatdorman. Lekin bu hamma shunday qilishi kerak degani emas”, — deb yozadi reper.

Foto: Twitter

Avariya avtotrassada suv toshqini vaqtida yuz bergan. Lil Yachty avtomobil boshqaruvini yo‘qotib qo‘ygan va yo‘l chetidagi to‘siqqa borib urilgan. Musiqachining qo‘li singan.

Foto: Twitter

Politsiyachilar reperni avtomobilni xavfli boshqargani va haydovchilik guvohnomasi yo‘qligi uchun ogohlantirgan.

Avvalroq Xitoyda Tesla avtopiloti soatiga 127 kilometr tezlikda harakatlanib, YTHga uchragani to‘g‘risida xabar berilgandi.