Burak O‘zchivit va Fahriye Evjen juftligi izolyatsiyada qilayotgan ishlari bilan boshqalarga o‘rnak bo‘lsa arziydi. “Yandeks Dzen” platformasida yozilishicha, aktyor uy ishlarida turmush o‘rtog‘iga ko‘maklashmoqda.

Foto: Gecce

Avvalroq juftlik ijtimoiy tarmoqlarda Turkiya Sog‘liqni saqlash vazirligining fuqarolarni uyda qolishga undab, “Hayot uyga sig‘ar” nomli tashabbusini qo‘llab-quvvatlagan va bunga javoban sog‘liqni saqlash vaziri Faxriddin Xoja Burak va Fahriyega minnatdorchilik bildirgandi.

“Hayotni uyga sig‘dirgan” juftlik bunday og‘ir vaziyatda bir-birini har tomonlama qo‘llab-quvvatlamoqda. Ma’lum qilinishicha, ular uy ishlarini teng bo‘lishib olgan: Fahriye ovqat pishirish, kiyimlarni dazmollash va kerakli mahsulotlar ro‘yxatini tuzish bilan mashg‘ul bo‘lsa, uyni tozalash, kirlarni yuvish va do‘konga chiqish kabi vazifalarni Burak bajarmoqda.

Foto: T24

Shuningdek, o‘g‘illari Karan tarbiyasi bilan shug‘ullanishdek mas’uliyatli vazifani kunning birinchi qismida aktrisa, ikkinchi qismida bo‘lsa aktyor bajarmoqda, deb yoziladi xabarda.