Karonavirus. Kasallanganlar: 720 117 Odam. O'zbekistonda: 145
O‘zbek san’atkorlari karantin vaqtida muxlislarini zeriktirmaslikka harakat qilmoqda. 14-may kuni ham ular o‘zlarining Instagram’dagi sahifalariga turli xil qiziq video va fotopostlar joyladi.
Xonanda Dilmurod Sultonov o‘zining Instagram sahifasiga “qiziqchi Hojiboy Tojiboyevning so‘nggi chiqishi” deya nomlangan videolavha joyladi. Videolavhada esa qiziqchi to‘y xizmatida muxlislariga ko‘tarinki kayfiyat ulashmoqda.
“Ummon” guruhining yakkaxoni Shohrux “Ketarsan” deb nomlangan tarona ustida ishlayotgani aks etgan video bilan bo‘lishdi.
The cover up loyihasi orqali mashhurlikka erishgan xonandalar Yorqinxo‘ja Umarov hamda Afruza pozitiv videolavha tayyorladi.
Xonanda Manzura “Yuragim ko‘nikmaydi” deb nomlangan videoklipini sahifasiga joylashtirib, muxlislarining ushbu klip va qo‘shiq haqidagi fikrlari bilan qiziqdi.
Aktyor Javohir Zokirov 1981-yilda Alisher Navoiy spektaklida Navoiyning do‘sti rolini ijro etgani haqida fotopost joyladi.
Xonanda Sardor Mamadaliyev “Dil yarasi” deb nomlangan videoklipining suratga olish jarayonlarini eslab, aktyor Karim Mirxodiyev bilan tushgan suratni sahifasiga joyladi.
Xonanda Rayhon fotosessiya jarayoni aks etgan foto va videolavhalarni sahifasiga joylashtirdi.
Xonanda Dildora Niyozova “sozandalarim — mening qanotlarim”, deya nomlangan sozandalari bilan birga tushgan surat bilan bo‘lishdi.
Xonanda Farhod Saidov “Umidim qoldi” deb nomlangan qo‘shiqni jonli ijroda kuyladi.
Xonanda Ziyoda sahifasida “Allohim, shunday xursandchilik nasib qilginki, qilgan sabrimizning natijasi go‘zal bo‘lsin”, deya ezgu tilak bildirdi.
Xonanda Mashhurbek Raimjonov karantin tugagandan keyingi taxminiy holatini surat bilan ko‘rsatib berdi.
DJ Piligrim “Dil ba yor-u, dast ba kor” deb nomlangan qo‘shig‘ini taqdim etdi.
O‘zbekistonda xizmat ko‘rsatgan artist Og‘abek Sobirov faylasuf Suqrotning “Shunday yashangki, kimdir siz haqingizda yomon gap aytsa, hech kim ishonmasin”, degan so‘zlarini suratiga izoh tariqasida yozib qoldirdi.
Qiziqchi Zokir Ochildiyev “qanotli” rasmini sahifasiga joylab, unga nom berishni muxlislariga qoldirgan.
Aktrisa Muqaddas Sa’dullayeva “barcha ayollar o‘z juftlari bilan sevib-sevilib yashasin”, deya o‘zining rasmini sahifasiga joyladi.
“Bravo” jamoasining a’zosi Ahmad Temirov boulingni sog‘ingani haqida videopost qoldirdi.
Xonanda Nodir Zoitov hamkasbi Shohrux Mirzo G‘aniyevning “Tillo uzuk” deb nomlangan qo‘shig‘ini jonli ijroda kuyladi. Shohrux Mirzo G‘aniyev esa ushbu lavhani o‘zining Instagram sahifasiga joylashtirgan.
Karantinni Turkiyada o‘tkazayotgan aktyor Alisher Uzoqov supurgini minib, qo‘liga qilich olgan holatda rasmga tushib, “bir harakat qilib ko‘rdimda”, deya izoh yozib qoldirgan.
