Xonanda Lola otasi Ravshan Yo‘ldoshev bilan so‘nggi muloqotini esga oldi.
“Otam sochining uchigacha intelligent odam edi. U eng aqlli, mehribon, nihoyatda iste’dodli inson edi. U har doim o‘zini og‘ir-bosiq tutar, past, yoqimli ovozda gapirardi. O‘ylashimcha, u javobini bilmaydigan bironta ham savol yo‘q edi. Har doim to‘g‘ri, dono maslahat berardi. Men har doim ijod va shaxsiy hayotga oid maslahatlarni undan so‘rardim. U har doim mening suyanchig‘im edi. U o‘zini sevardi, o‘ziga qarardi, har doim did bilan kiyinardi. Yana uning qo‘llari juda chiroyli edi. U tug‘ishimga kelishini aytgandi, men uni rosa kutayotgan edim. Biz u bilan o‘limidan bir kun avval gaplashgan edik. Ikkalamiz ham bu oxirgi marta ekanligini bilmagandik”, — deydi Lola.
Xonanda, shuningdek, o‘g‘li otasiga o‘xshasa u o‘zini baxtli his etishini ham ma’lum qildi.
Avvalroq xonanda otasining o‘limi uning hayotini avval va keyinga ajratib yuborganiga ishora qilgan edi.
Eslatib o‘tamiz, Lolaning otasi, “Tarona Rekords” kompaniyasi rahbari Ravshan Yo‘ldoshev 30-mart kuni yurak xurujidan vafot etdi. Ravshan Yo‘ldoshev nafaqat taniqli prodyuser, balki sohada uzoq muddat faoliyat olib borgan ichki ishlar organi xodimi ham bo‘lgan.
Izoh (0)